Nuair atá an t-ólachán ina fhadhb

Ólachán mar fhadhb

I measc na gcomharthaí luatha a thugann le fios go bhfuil an t-ólachán ina fhadhb ag duine, áirítear na cinn seo a leanas:

a bheith ag ól níos sciobtha ná gach duine eile
a bheith ag ól chun déileáil le fadhbanna
gan a bheith in ann éirí as an ól i ndiaidh duit tosú ag ól
a bheith in ann neart alcóil a láimhseáil – ólann tú neart sula n-airíonn tú go bhfuil tú ólta
gan a bheith in ann cuimhneamh nó díth meabhrach
deoch a bheith ag teastáil uait an chéad rud ar maidin chun tús a chur leis an lá
a bheith ag ól deochanna dúbáilte i ngan fhios d'aon duine eile nó a bheith ag ól tuilleadh go rúnda
a bheith ag aireachtáil ciontach tar éis duit a bheith ag ól

Má aithníonn tú aon cheann de na comharthaí thuas, ba cheart duit machnamh a dhéanamh ar roinnt comhairle a fháil. Cliceáil anseo chun eolas a fháil faoin gcúnamh atá ar fáil.

Má ólann tú go leor nó má cheapann tú go bhféadfá a bheith spleách ar alcól, d’fhéadfadh sé a bheith contúirteach athruithe móra a dhéanamh do do chuid ólacháin gan tacaíocht leighis a fháil.

An bhfuil imní ort faoi dhuine eile?

An bhfuil imní ort faoi na gnásanna ólacháin atá ag duine atá gar duit?

An bhfuil atmaisféar teannasach agus míshuaimhneach sa mbaile mar gheall ar ólachán an duine sin agus ar an gcaoi a ndéileálann tú leis?
An bhfuil faitíos ort roimh íde béil nó mí-úsáid chorpartha nuair atá siad ag ól?
An bhfuil tú ag iarraidh a gcuid ólacháin a choinneáil faoi smacht?
An bhfuil tú ag glacadh freagrachta as torthaí a gcuid ólacháin, mar shampla ag íoc billí, ag déanamh breis oibre chun an t-airgead atá caite ar ól a dhéanamh ar ais, ag déanamh leithscéalta dá n-iompar?

Ní mor na nithe seo a leanas a bheith ar eolas agat:

Ní féidir leat patrún ólacháin duine eile a rialú
Ní tusa an t-údar atá ag duine eile a bheith ag ól
Níl tú freagrach as ólachán duine eile
Ní féidir leat fadhb óil duine eile a leigheas

Ach...Is féidir leat cúnamh agus tacaíocht a fháil duit féin le linn an ama deacair seo. Cuir tú féin ar an eolas faoin gcúnamh atá ar fáil.